Logan Paul vs Mayweather: Date, time and how to watch di fight
Di boxing match go happun on June 6 for di Hard Rock Stadium for inside Miami, for United states of America. Tori be say Mayweather fit make up to $100m, for dis im fight wit Paul.
Dis na everything you need to know about di fight.
Wetin be di fight rules?
- No judges
- No official winner read
- Knockouts legal
- KO up to ref discretion
- No headgear
- 10 oz. gloves
- Eight 3-minute rounds
How to watch di fight?
Pay TV company DStv say dem go broadcast di exhibition bout between 12-time five-division champion Floyd Mayweather and social media sensation Logan Paul for Supersports on Monday by 1am.
Who be Logan Paul?
Logan Paul na 26-year-old man from Ohio him and im brother, Jake, first became famous for dia Vine and YouTube videos.
Paul come move go L.A. and do different things for di entertainment industry, from acting to running a clothing line.
Him YouTube channel get more than 22 million subscribers.
As for sports, Paul be do sports for high-school, wia im participate for wrestling and football. But his boxing record no really set like dat.
Who be Floyd Mayweather?
Floyd Mayweather Jr. senior Paul, at 44 him dey much more experienced for di ring.
Him don 15 major world titles in five weight classes, im record for di sport dey spotless 50-0, him also get bronze medal for di 1996 Olympics.
E also get three U.S. Golden Gloves championships, among oda titles.
